Mae dynes wedi marw ar ôl gwrthdrawiad ar ffordd y B4500 ym Mhontfadog yn nyffryn Ceiriog ger Llangollen.
Digwyddodd y gwrthdrawiad rhwng car Citroen Saxo a bws toc wedi 7.30 y bore yma.
Dywedodd y gwasanaethau brys eu bod nhw wedi cyrraedd safle’r gwrthdrawiad mewn da bryd, ond bod y ddynes eisoes wedi marw.
Mae’n debyg nad yw gyrrwr y bws wedi dioddef anaf ac nad oedd teithwyr ar y bws.
Mae’r ffordd rhwng Y Waun a Phontfadog wedi ei chau a fydd hi ddim yn agor am beth amser, meddai’r heddlu.
Mae’r Heddlu’n apelio ar unrhyw un sydd â gwybodaeth i gysylltu â nhw ar 101 neu 0845 6071001.
Llun: Pontfadog, Dyffryn Ceiriog (Mike Harris CCA 2.0)
