Fe fydd Gareth Bale a Darcy Blake yn methu’r gêm gyfeillgar yn erbyn Luxembourg heno ar ôl cael eu hanafu yn ystod sesiwn ymarfer.

Roedd disgwyl i Blake ennill ei gap gyntaf dros ei wlad ar Barc y Scarlets heno ar ôl dangos ei ddoniau wrth chwarae dros Gaerdydd.

Mae’r amddiffynwyr yn ymuno gyda Sam Vokes, Ched Evans, David Edwards sydd wedi tynnu ‘nôl o’r garfan ynghyd â Simon Davies sydd wedi ymddeol o chwarae ar y lefel rhyngwladol.

Roedd yr amddiffynwyr James Collins, Lewin Nyatanga a Danny Gabbidon heb eu cynnwys yn y garfan oherwydd anafiadau.

Mae Cymru hefyd heb y chwaraewyr canol cae Aaron Ramsey, Jack Collison a Joe Allen oherwydd anafiadau.

Er gwaethaf hyn, fe fydd John Toshack yn gallu rhoi cap gyntaf i ymosodwr Millwall, Steve Morison ac mae Craig Bellamy ‘nôl yn y garfan ar ôl colli pum gêm gyfeillgar ddiwethaf Cymru.

Bydd y gêm yn cael ei dangos am 7.45pm ar sianel Sky Sports 2