Cafwyd buddugoliaeth gyfforddus o’r diwedd i ddynion Warren Gatland yn erbyn yr Eidalwyr. Pwy greodd argraff ar arbenigwr rygbi Golwg 360, Geraint Criddle, wrth edrych ymlaen at daith i Seland Newydd yn yr haf?
Lee Byrne – Tipyn gwell na’i gemau diweddar. Cadarn o dan y bêl uchel ac yn rhedeg yn dda wrth i’r Eidal flino. (7/10)
Tom Prydie – Digon cyffyrddus, o ystyried ei fod yn grwt deunaw oed yn ei gêm ryngwladol gyntaf. Yn anlwcus i beidio â chael cais. (7)
James Hook – Yn euog o beidio â phasio i Prydie gyda’r llinell yn agos iawn. Ond fe gymerodd ei ddau gais yn dda ac yn creu problemau i’r gwrthwynebwyr. (7)
Jamie Roberts – Tebyg iawn i weddill ei gemau, yn taclo ac yn cario’n ddygn. Pryd gawn ni fwy o amrywiaeth yng nghanol cae? (7)
Shane Williams – Arweiniad da i Prydie ei ddilyn. Mae ei weledigaeth wedi bod yn gampus drwy gydol y Bencampwriaeth. (8)
Stephen Jones – Ei gêm orau i Gymru ers tro. Fe lwyddodd i hoelio sylw’r Eidal a rhoi pobl mewn bylchau yn gyson. (8)
Mike Phillips – Arbennig o dda o ystyried cyn ei ddiffyg amser ar y cae yn ddiweddar. Bygythiad mawr i reng ôl yr Eidal. (8)
Gethin Jenkins – Anodd beirniadu chwaraewr o’i safon. Ambell broblem yn y sgrym, ond fe welwyd ei gyfraniad o amgylch y cae. Gwych. (9)
Matthew Rees – Cario’r bêl yn dda a dim problemau gyda’i daflu i’r llinell. (7)
Adam Jones – Chwaraewr mwyaf cyson Cymru yn y Bencampwriaeth o bosib. Mae e’n allweddol. (7)
Ian Gough – Yn cymryd lle Bradley Davies yn gynnar, fe ddangosodd nad yw’n rhy hen i’r llwyfan rhyngwladol. (7)
Luke Charteris – Digon o ymdrech ac yn cario’n dda, ond dal ddim yn bwrw’r ryciau’n ddigon caled, fel y gwnaeth Gough. (6)
Jonathan Thomas – Tebyg i Charteris. Ydi cael ei symud rhwng yr ail reng a’r reng ôl wedi amharu ar ei gêm? (6)
Ryan Jones – Doniau trafod yn wael yn rhy aml ac yn dal i edrych yn rhy araf. Fe weithiodd yn galed, serch hynny. (5)
Sam Warburton – Ardderchog. Diwyd iawn ac yn llawn egni, gan gario’r bêl yn effeithiol dros ben. (9)
Cytuno neu anghytuno gyda barn Geraint uchod a’i asesiad yn ystod y bencampwriaeth? Pleidleisiwch dros chwaraewr gorau’r bencampwriaeth yn eich tyb chi yma
