Mae ‘na adroddiadau bod Nottingham Forest yn bwriadu arwyddo cefnwr Cymru, Gareth Bale o Tottenham.
Dyw trosglwyddiad Bale i Spurs ddim wedi bod yn llwyddiannus iawn oherwydd cyfres o anafiadau, sydd wedi golygu bod Benoit Assou-Ekotto wedi cymryd ei le yn nhîm Harry Redknapp.
Dim ond dwy gêm mae Bale wedi chwarae i’w glwb y tymor hwn, ac mae rheolwr Nottingham Forest, Billy Davies, yn awyddus i gryfhau ei garfan.
Bale i ymuno â Gunter?
Mae Forest eisoes wedi arwyddo cefnwr Cymreig arall o Tottenham, sef Chris Gunter.
Mae Gunter wedi chwarae’n gyson i Forest ers arwyddo yn yr haf, ac fe allai’r cyfle o chwarae’n gyson i’r tîm cyntaf apelio at Bale.
Gyda’r ffenest trosglwyddo yn ail agor ym mis Ionawr, mae’n debyg bod Forest yn ystyried cynnig £3m am y Cymro.
Ond fe allai Tottenham fod yn awyddus i gael mwy o arian ar ôl talu o leia’ £5m i Southampton amdano.
